على هامش يوم الضحك بوجدة .. أقسم بالله يلا باقي عندنا الحكرة فالبلاد

محمد شركي11 يوليو 2012آخر تحديث : منذ 9 سنوات
على هامش يوم الضحك بوجدة .. أقسم بالله يلا باقي عندنا الحكرة فالبلاد
رابط مختصر

الفنان الساخر محمد الشركي/ وجدة البوابة: وجدة في 11 يوليوز 2012، نظم أمس الثلاثاء 10 يوليوز 2012 ، بساحة إعدادية باستور سابقا وعلى هامش مهرجان الراي بوجدة ، يوم للضحك ، والضحك صراحة مفيد للصحة ، مفيد للروح والنفس ، الضحك ترفيه وترفيح ، ترفيه للجمهور الذي نادرا ما يستفيد من أنشطة ، وترفيح “للبراني” الذي يملأ حسابه البنكي من المال العام ، وكما قال المغني صاحب النغمة المشهورة “خبز الدار ياكلو البراني” ، غير أن يوم الضحك خرج عن المعهود هذه السنة فأبان أن وجدة لها مبدعيها وكفاءاتها من كومديين متألقين شباب ، وإن غيب العديد من الفكاهيين بالجهة الشرقية لحاجة في نفس المنظمين ، فان الثنائي لفهامة ، الثنائي الاوية ، والثنائي حامدي أبدعوا كل بطريقته الخاصة، وتألق شباب وجدة من خلال اختيار مواضيع تهم المعيش اليوم للساكنة، وبلغة الكوميديا الفاضحة ، فضح الكوميديون اللجنة المنظمة لمهرجان الراي على ما يعاني منه الفنان المغربي “ولد لبلاد” من تقزيم في التعامل ، حيث قال أحد المنشطين” البراني يخلص بالملايين وولاد لبلاد بالعشرين درهم  بحال يلا موالفين بالتبراح ” . صراحة تشجيع “ولاد لبلاد” والتصفيق لهم بحرارة ضروري ، لأن المشكل أن البراني لم يعد يأكل خبز الدار فقط، بل أصبح يأكل الخبز الماء والهواء ، ويترك مول الدار يتفرج جالسا على “الضس” ، وحتى لا يقال عنا بأننا حساد ، فسأقدم لكم بعض ما سمعه مول الدار حينما تبرم بين الجمهور ودار ، وطلق الرادار.
مول الدار : واش عاجبكوم مهرجان الراي ؟
ج : شويا
مول الدار : اش عاجبكوم فيه؟
ج : تحت الرعاية السامية لصاحب الجلالة الملك محمد السادس نصره الله،  ما عندنا منقولو فيها
مول الدار : ومنبعد ؟
ج : الراية المغريبة .. العلام ديال البلاد ، لي خطرا خطرا كيطلعوه فوق الخشبة ما عندنا ما نقولو فيه
مول الدار : ومنبعد ؟
ج : كايبقا فينا الحال
مول الدار : علاش؟
ج : حيت كيجيبو لينا شي مغنيين ما مغنيين حتى والو
مول الدار : بحلاش؟
ج : بحال هداك اللبناني لي ما لبناني حتى والو .. ما فنان حتى والو .. ما حنجرة حتى والوا
مول الدار : والضحك ؟؟؟
ج : فيوم الضحك ضحكوا علينا وحق سيدي ربي
مول الدار : وعلاش قلتي وحق سيدي ربي ومقلتيش أقسم بالله
ج : حيت ماشي النغمة ديالنا
مول الدار : وولاد لبلاد
ج : ولاد لبلاد نوروا لبلاد ، وفاش كيهزوا علام لبلاد على كتافهوم كنفرح
مول الدار : علاش ؟
ج : حيت ماكنحسش بلي هازينو غير ديكور على حساب الصرف
مول الدار : هي الصرف موجود على الجهد ؟
ج : شي يدي الصرف وشي يدي التصرفيق ، وبنادم ما بغيش يفيق
مول الدار : الكومديين ديال وجدة تيضحكو
ج : أحسن من البراني ، بكا ولاد بلادي ولا تمهبيل ولاد بلادات الناس
مول الدار : سمعتك تتكلم على الحكرة ؟
مول الدار : أقسم بالله يلا باقي عندنا الحكرة فالبلاد
مول الدار : وفاش؟
ج : الحكرة فالخلاص .. الحكرة فالمعاملة .. الحكرة فالاختيار
مول الدار : مفهمتش
ج : علاش البراني تهلاو فيه .. يبينوا وجهو فواحد الشاشة كبيرة منين بدا يخرف ، وولاد لبلاد يطيروا ويفرفرو .. ينقصوا ليهوم الصوت ديال الميكرو ، القضية مخدومة .. وفيها إن ..
مول الدار : إن وأخواتها ؟
ج : إن لله وإن إليه راجعون .. وحسبنا الله هو نعم الوكيل
مول الدار : والخلاص
ج : البراني يخلصوه مزيان ، يجي يخيم نهارات قبل ، مبرع مع راصو ، وولاد لبلاد لا خلاص زين لا شكون يسول ويسال
مول الدار : اخر كلمة الله يخليك تحت الذف وبلا رموز
ج : بلا رموز .. بلا تحت الذف أنا كنطالب بحاجة وحدة
مول الدار : تفضل؟
ج : كنطالب من المسؤوليين على مهرجان الراي يردوا لي فطو كوبي ديال لكارط ناسيونال ديالي
مول الدار : خداو منك الفطوا كوبي؟
مول الدار : ايييه خداوها مني … ومفهمتش راصي… وماعيطوليش نشارك فالضحك
ج : ماخدمتش علاش كتكعررعلى فطو كوبي ديال لكارط ناسيونال؟
مول الدار : باش ما يمركيوش عليا بلي خدمت وانا ما خدامش
مول الدار : اخر كلمة بالزربة ؟
مول الدار : كنطالب من منظمين الراي رايهوم،  يحتارمو ولاد لبلاد ، ومادام الميزانية خارجة من ظهر لبلاد
باراكا من نغمة خبز الدار ، الفنانة ديال لبلاد خاصهوم يخدمو فبلادهوم ،مخصش تشدهوم الفقصة من الضحك ، ايوا سير عاودها ليهوم …
مول الدار : بيناتنا .. أقسم بالله يلا باقي عندنا الحكرة فالبلاد.

على هامش يوم الضحك بوجدة .. أقسم بالله يلا باقي عندنا الحكرة فالبلاد
على هامش يوم الضحك بوجدة .. أقسم بالله يلا باقي عندنا الحكرة فالبلاد

على هامش يوم الضحك بوجدة .. أقسم بالله يلا باقي عندنا الحكرة فالبلاد
على هامش يوم الضحك بوجدة .. أقسم بالله يلا باقي عندنا الحكرة فالبلاد

الفنان الساخر محمد الشركي

1
اترك تعليق

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
محمد الشركي Recent comment authors

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

  Subscribe  
نبّهني عن
محمد الشركي
ضيف
محمد الشركي

وجدة فنون تنظم يوم الضحك ضمن مهرجان الراي بوجدة ـ الحمد لله هاد العام ماجابوش السيكتور ، وخدمو ثنائيات من ولاد لبلاد ، وفنانين كوميديين شباب ـ صراحة معرفت كيفاش اختارو صحابنا لي كيضحكو ، وبيناتنا راه فيهوم لي كيضحك وفيهوم لي ضاحكة عليه وجدة فنون بزوج فرنك وباغي غير يبان ـ المهم سونا كلا سلخة ـ واخبار يوم الضحك يجيبوه التوالا ـ واخا متفكروناش حيت خايفين لا نهجروه ليهوم فيوم الضحك ، وحق سيدي ربي يلا نتمناو التوفيق لولاد لبلاد …