ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉⵏⴰⵡ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 63 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ

233652 مشاهدةآخر تحديث : السبت 20 أغسطس 2016 - 9:53 مساءً
2016 08 20
2016 08 20
ⵜⵉⵟⵡⴰⵏ   –  Oujda Portail

ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ 63 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵢⵉⴹ ⵏ ⵡⴰⵙⵙ ⵏ ⵓⵙⵉⴹⵢⴰⵙ ⵢⴰⵏ ⵉⵏⴰⵡ ⵉ ⵜⵎⵜⵜⵉ.

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵎⴰⵙ ⴷ ⴰⵙⴼⵓⴳⵍⵓ ⵏ ⵉⵣⵎⵣⵣⵓⵜⵏ ⴰⴷ ⵉⵣⵔⵉⵏ ⵓⵔ ⴳⵉⵏ ⵖⴰⵙ ⵡⵉⵏ ⵓⴽⵜⴰⵢ, ⵎⴰⵛ ⵡⵉⵏ ⵓⵙⵃⵉⵟⵕ ⴷ ⵓⴳⵍⴰ ⴷ ⵓⵎⵏⵣⴰⵢ ⵍⵍⵉ ⵢⵓⵡⵙⵏ ⵉ ⵜⵙⵓⵜⴰ ⵉⵣⵔⵉⵏ ⵃⵎⴰ ⴷ ⴱⵏⵓⵏ ⴰⵎⵉⵍⴰⵏ, ⵙⵙⵓⴷⵓⵏ ⵙⵔ ⵉⵎⴰⵍ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵎⴰⵙ ⴰⵙⴼⵓⴳⵍⵓ ⵏ ⵓⵙⴽⵜⵉ ⵡⵉⵙⵙ 63 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⵉⴳⴰ ⵜⴰⴳⵔⴰⵡⵍⴰ ⵜⴰⵎⴰⵢⵏⵓⵜ ⵍⵍⵉ ⵜⵙⴽⴰⵔ ⵜⵙⵓⵜⴰ ⵙⵔ ⵜⴰⵢⴹ ⵢⴰⴹⵏⵉⵏ.

ⴳ ⵓⵙⴰⵜⵉ ⴰⴷ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⵔⴰ ⴷ ⵉⵙⵎⴰⵢⵏⵓ ⵓⵎⴰⴷⴰⵏ ⴰⵎⵖⵔⴰⴱⵉ ⴷ ⵓⴷⵣⴰⵢⵔⵉ ⴰⵙⵙⵓⵖⵏ ⵉⵖⵓⴷⴰⵏ ⵉⵣⴷⵉⵏ ⴳⵔⴰⵙⵏ.

ⴷ ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ « ⵉⵇⵇⴰⵏⴷ ⴰⵙⵙⴰ ⴳ ⵡⴰⴷⴷⴰⴷ ⵏ ⵓⵎⴰⴷⴰⵏ ⵏ ⵜⵎⵉⵣⴰⵔ ⵏ ⵡⴰⵄⵕⴰⴱⵏ, ⴷ ⴳ ⵜⵙⴳⴰ ⵜⴰⵎⵖⵔⴰⴱⵉⵢⵜ, ⵉⵎⴰⵏ ⵏ ⵜⵡⵉⵣⵉ ⴰⴼⴰ ⴷ ⵙⴱⴷⴷⵉⵏ ⵜⴰⵏⵥⵕⵜ ⵏ ⵜⵉⴳⵎⵉ ⴷ ⵜⵏⴼⵔⵓⵜ ⵉⵛⵛⴰⵔⵏ ».

ⴳ ⵜⵙⴳⴰ ⵢⴰⴹⵏ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵍⵎⵖⵔⵉⴱ ⵉⴳⴰ ⵉⴼⵔⵉⵇⵢⴰ ⴳ ⵡⴰⵎⵎⴰⵙ ⵏ ⵜⵙⵔⵜⵉⵜ ⵏⵏⵙ ⵏ ⴱⵕⵕⴰ, ⵙⵍⴰⵡⵏ ⴰⴽⴽⵯ, ⵎⴰⵙ ⵉⴳⴰ ⵍⵎⵖⵔⵉⴱ ⵓⵍⵍ ⵏ ⵉⴼⵔⵉⵇⵢⴰ, ⵜⵉⵍⵉ ⵉⴼⵔⵉⵇⵢⴰ ⴳ ⵡⵓⵍⵍ ⵏ ⵉⵎⵖⵔⴰⴱⵉⵢⵏ.

ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⴳⴰ ⵉⴼⵔⵉⵇⵢⴰ ⵉ ⵍⵎⵖⵔⵉⴱ ⵓⴳⴳⴰⵔ ⵏ ⵜⴰⴳⵯⵎⴰⵏⵉⵜ ⵙⵔ ⵓⵎⵏⵥⴰⵡ, ⴷ ⵜⴰⴳⵯⵎⴰⵏⵉⵜ ⵏ ⵓⵎⵣⵔⵓⵢ, ⵎⴰⵛ ⵜⴳⴰ ⵜⴰⴳⵯⵎⴰⵏⵉⵜ ⵉⵚⵃⴰⵏ ⵏ ⵜⴰⵢⵔⵉ ⴷ ⵓⵣⵔⴰⴽ, ⴷ ⵓⵣⴷⴰⵢ ⴰⵏⴼⴳⴰⵏ ⴷ ⵉⵎⴰⵏ ⵉⵖⴱⴰⵏ, ⴷ ⵜⵡⵉⵣⵉ ⴳⵔⴰⵙⵏ.

ⴳ ⵜⵙⴳⴰ ⵢⴰⴹⵏ ⵉⵔⵏⴰ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵓⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ ⵎⴰⵙ ⵉⵙⵙⵓⵙⵎ ⵍⵎⵖⵔⵉⴱ ⵜⵓⴳⴳⵯⴰⵣ ⵉⵜⴳⴳⴰ ⵎⵔⴰ ⴷ ⵉⵙⵏⵓⴱⴳ ⴷ ⵓⵙⵉⴷⴼ ⵏ ⵉⵎⵣⵡⴰⴳⵏ, ⴷ ⵓⵔⵔⴰ ⴷ ⵉⵙⵙⵓⵖⵓⵍ ⴳ ⵜⴱⵔⵉⴷ ⴰⴷ.

ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵓⵙⵙ ⵚⴹⵉⵚ ⵎⴰⵙ ⵉⵙⵎⵉⵙⵉ ⵍⵎⵖⵔⵉⴱ ⴰⴷⴷⴰⴷ ⵏ ⵉⵎⵣⵡⴰⴳⵏ ⵙ ⵓⵙⴱⴷⴰⴷ ⵉⵖⵓⴷⴰⵏ ⴷ ⵉⵣⴷⴷⵉⴳⵏ, ⴰⴼⴰ ⴷ ⴰⴷⴰⵙⵏ ⵉⴼⴽ ⵢⴰⵜ ⵜⵓⴷⵔⵜ ⵉⵃⵍⴰⵏ ⴰⵎⵎⴰⵙ ⵏ ⵓⵏⴰⵎⵓⵏ ⴰⵎⵖⵔⴰⴱⵉ.

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⵖⵔⴰⴱⵉⵢⵏ ⵉⵣⴷⵖⴰⵏ ⴳ ⴱⵕⵕⴰ ⵏ ⵜⵎⴰⵣⵉⵔⵜ ⵃⵎⴰ ⴷ ⵟⴼⴰⵏ ⴳ ⵡⴰⵜⵉⴳ ⵏ ⵓⵙⴳⴷ ⵏⵏⵙⵏ ⴷ ⵜⴰⵎⵢⵓⵔⵉⵏ ⵏⵏⵙⵏ ⵜⵉⵇⴱⵓⵔⵉⵏ ⴷ ⵉⵖⵓⴷⴰⵏ ⵎⵏⵉⴷ ⴰⴱⵔⵙⵉⵡⴷ.

وجدة البوابة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الآراء الواردة في التعليقات تعبر عن آراء أصحابها وليس عن رأي وجدة البوابة